Qytaıda taǵy sý tasqyny bolyp, 21 adam kóz jumdy
Tabıǵı apat saldarynan ásirese taýly aımaqta ornalasqan Hýbeı provıntsııasynyń Sýısıan ýezindegi Lıýlın kenti zardap shekti. Táýlik ishinde bul jerde 503 mm jaýyn-shashyn túsken.
Qytaılyq BAQ málimdemesine sáıkes, nóser jaýyn saldarynan Lıýlın kentinde 21 adam qaza taýyp, taǵy tórteýi iz-tússiz joǵaldy. Apat saldarynan Lıýlın kentiniń 8 myń turǵyny zardap shekti, sondaı-aq 2,7 myń qurylys zaqymdalǵan. Joldardy sý basyp, 63 kópir jáne 700-den astam elektr baǵanasy búlingen.
Qazirgi kezde mundaǵy avtomobıl qozǵalysy, baılanys jáne elektrmen jabdyqtaý áli qalpyna keltirilgen joq.
Eske salsaq, búǵan deıin Qytaı eliniń ońtústik-batysyndaǵy Sychýan provıntsııasynda tolassyz jaýǵan nóser jaýyn saldarynan 7 myńnan astam adam shuǵyl qaýipsiz jerge kóshirilgeni týraly habarlaǵan bolatynbyz.