Qytaıda sońǵy 6 aıda alǵash ret koronavırýstan kisi ólimi tirkeldi

BEIJІŃ. QazAqparat – Sońǵy alty aı ishinde Qytaıda alǵash ret koronavırýstan bolǵan úsh ólim jaǵdaıy tirkeldi, dep habarlaıdy QazAqparat menshikti tilshisi densaýlyq saqtaý máseleleri jónindegi mýnıtsıpaldy komıtettiń jarııalaǵan derekterine silteme jasap.

Úsh adam da Beıjińde demalys kúnderi qaıtqan.
Koronavırýs ınfektsııasynan birinshi bolyp 87 jastaǵy er adam kóz jumǵan. Patsıentte COVID-19-dyń alǵashqy belgileri 11 qarashada baıqalǵan. Eki kúnnen keıin odan koronavırýstyń jeńil túri dıagnozy rastalǵan. 19 qarashada onyń aýrýy asqynyp ketken.
Qalǵan eki patsıenttiń de aýrýy asqynyp qaıtys boldy. Qaıtys bolǵandardyń barlyǵy – 80 jastan asqandar. Olardyń úsheýinde de sozylmaly aýrýlary bolǵan.
Qytaıdyń qurlyqtaǵy aýmaǵynda osyǵan deıin koronavırýstan bolǵan ólim jaǵdaıy 26 mamyrda tirkelgen edi.
QHR Densaýlyq saqtaý isteri jónindegi memlekettik komıtettiń málimetinshe, 20 qarashadaǵy jaǵdaı boıynsha Qytaıdyń qurlyqtaǵy aýmaǵynda koronavırýs juqtyrýdyń 27 myńnan astam jaǵdaıy anyqtalǵan.
Aýrýǵa shaldyqqandardyń sany 29 myńǵa jýyqtady. Bul osy jyldyń sáýir aıynda Shanhaıda kúrdeli epıdemıologııalyq jaǵdaı baıqalǵan kezde tirkelgen rekordtyq joǵary kórsetkishterge jaqyndap qaldy.
Bir táýlik ishinde Beıjińde COVID-19 juqtyrýdyń 1,4 myńnan astam jańa jaǵdaıy tirkeldi, onyń 800-ge jýyǵy el astanasyndaǵy Chaoıan aýdanynan tirkeldi. Pandemııa bastalǵaly beri materıktik Qytaıda 288,5 myńǵa jýyq adamnan koronavırýs rastalǵan, onyń 5229-y kóz jumdy.

Foto: news.cn