Qytaıda shahtadaǵy apat saldarynan 19 adamdy úıindi basyp qaldy
19:22, 14 Tamyz 2021
SININ. Sınhýa-QazAqparat – Qytaıdyń soltústik -batysyndaǵy Tsınhaı provıntsııasyndaǵy kómir shahtasynda bolǵan apat saldarynan bir kenshi qaza tapty, 19 adam úıindi astynda qalyp qoıdy, dep habarlaıdy QazAqparat Sınhýa agenttigine silteme jasap.
Jergilikti bıliktiń málimetinshe, oqys oqıǵa Haıbeı-Tıbet avtonomııalyq aýdanynyń Gagtsa aýdanyndaǵy kómir shahtalarynyń birinde túske jaqyn boldy. Bul kezde 21 shahter jumys istep jatqan.
Qutqarýshylardyń kúsh -jigeriniń arqasynda olardyń ekeýi jer betine shyǵaryldy. Ókinishke oraı, bir kenshiniń ómirin saqtap qalý múmkin bolmady.