Qytaıda ótetin ShYU sammıtiniń úsh negizgi maqsaty aıqyndaldy

BEIJІŃ. QazAqparat - Bıyl maýsymda Tsındao qalasynda ótetin Shanhaı Yntymaqtastyq Uıymy sammıtiniń basty maqsaty -  ShYU tıimdiligi men yqpalyn arttyrý. Bul týraly KHR syrtqy ister mınıstri Van I aıtty, dep habarlaıdy «QazAqparat» HAA Qytaıdaǵy menshikti tilshisi.

«Bul uıymnyń keńeıýinen keıingi bolyp turǵan alǵashqy sammıt. Biz ShYU múshelerimen sammıtte úsh negizgi maqsatqa qol jetkizý úshin jumys isteýge daıynbyz. Birinshisi - birtutastyqty nyǵaıtý. Shanhaı yntymaqtastyq uıymy múshelerimen birge biz «Shanhaı rýhynyń» bıik tuǵyryn joǵary deńgeıde ustaımyz, músheler arasyndaǵy ózara senim men birlikti nyǵaıtamyz jáne taǵdyry bir qoǵam quramyz», - dedi ol 8 naýryzda ótken jıynda.

Onyń aıtýynsha, Tsındaodaǵy ShYU sammıtiniń ekinshi maqsaty Uıymnyń jumysynyń tıimdiligin arttyrý bolyp tabylady.

Van I sammıttiń úshinshi maqsaty ShYU-nyń halyqaralyq arenadaǵy yqpalyn arttyrý ekendigin aıtty.

 «Aımaqtaǵy, tipti álemde ShYU-ǵa múshe memlekettermen birlese otyryp, beıbitshilik pen turaqtylyqty saqtaý úshin halyqaralyq qoǵamdastyqtyń kútkenine oń baǵasyn beremiz, negizgi halyqaralyq jáne aımaqtyq máseleler boıynsha daýys berýdi kúsheıtemiz jáne aımaqtyq yntymaqtastyq pen jahandyq ekonomıkalyq basqarýda odan da belsendi ról atqaramyz. Jalpy alǵanda, sammıt ShYU tarıhyndaǵy jańa kezeń bolady», - dedi QHR Syrtqy ister mınıstri.

Eske sala keteıik, Qazaqstan Qytaıdyń Tsındao qalasynda ótetin ShYU sammıtine beleseni túrde daıyndalyp jatyr.