Qytaıda ótetin ShYU sammıti tarıhı mańyzǵa ıe bolady - sarapshy
«Shanhaı yntymaqtastyq uıymy qarqyndy damyp kele jatqan halyqaralyq birlestik. 2017 jylǵy maýsymda Astanadaǵy Sammıtte ShYU qataryna Úndistan men Pákistannyń qosylýy Ortalyq jáne Ońtústik Azııa óńirleri arasynda ekonomıkalyq yntymaqtastyqty nyǵaıtýǵa tyń serpin berdi. Qazirgi ýaqytta ózara is-qımylda basymdyqty baǵyt retinde energetıkalyq sektordy, kólik ınfraqurylymyn birlese damytý belgilengen. Sonymen qatar, taýarlar men kapıtaldyń ári tehnologııanyń erkin qozǵalysyn qamtamasyz etýge erekshe nazar aýdarylýda. Meniń oıymsha, 2018 jyldyń maýsymynda Tsındaoda josparlanǵan ShYU memleket basshylary Sammıti tarıhı jıyn bolady. Sebebi onyń jumysyna álem halyqtarynyń jartysynan astamyn biriktirip otyrǵan «segizdik» ókilderi qatysady. Bul elder 2020 jylǵa qaraı álemdik jalpy ishki ónimniń 35 paıyzyn qamtamasyz etedi dep kútilýde», - dep toqtaldy sarapshy.
Osy oraıda, ol qazirgi kezde atalǵan sharaǵa daıyndyq jumystary belsendi júrip jatqanyn atap ótti. 24 sáýirde Shanhaı yntymaqtastyq uıymyna múshe memleketterdiń Syrtqy ister mınıstrler keńesi otyrysynyń qorytyndysy boıynsha 14 qujattyń jobasy bekitildi. Ol qujattarǵa ShYU-ǵa múshe elder basshylarynyń sammıtinde qol qoıylýy tıis.
«Olardyń arasynda 2019-2021 jyldarǵa arnalǵan terrorızm, separatızm jáne ekstremızmmen kúres salalaryndaǵy yntymaqtastyq baǵdarlamasynyń mańyzdylyǵy erekshe. Qujat uıym qyzmetiniń irgeli baǵyttaryn eskerip otyr. Atap aıtsaq, bıyl uıym tarıhynda alǵash ret Tsındaoda Áıelder sammıti men ShYU buqaralyq aqparat quraldary sammıti ótedi. Genderlik saıasat pen medıa salaǵa degen qyzyǵýshylyq uıymnyń qarqyndy damyp kele jatqanyn ańǵartady», - dedi Z. Shaýkenova.
Budan bólek, ol Sammıt aıasynda QR Prezıdenti Nursultan Nazarbaevtyń Qytaıǵa saparyna daıyndyq sharalaryna erekshe mán berilip otyrǵanyn sóz etti.
Budan buryn habarlanǵandaı, Shanhaı yntymaqtastyq uıymyna múshe memleketterdiń Syrtqy ister mınıstrler keńesi otyrysynyń qorytyndysy boıynsha 14 qujattyń jobasy qaraldy.
Taraptar 2019-2021 jyldarǵa arnalǵan terrorızm, separatızm jáne ekstremızmmen kúres salalaryndaǵy, sondaı-aq ShYU múshe memleketterdiń uzaq merzimge tatý kórshiligi, dostyǵy jáne yntymaqtastyǵy jónindegi kelisim erejelerin 2018-2022 jyldary iske asyrý, 2018-2022 jyldarǵa arnalǵan uıymǵa múshe elderdiń ıÝNESKO-men ózara árekettestigi, qorshaǵan ortany qorǵaý jáne indet qaýipterine qarsy áreket etý jónindegi yntymaqtastyq kontseptsııasy boıynsha qujattar jobalaryn kelisimdedi.