Qytaıda omıkron shtamy tirkeldi
Bul týraly Aýrýlardyń aldyn alý men baqylaý mýnıtsıpıaldyq ortalyǵynyń dúısenbi kúni jarııalanǵan habarlamasynda aıtylǵan, dep habarlaıdy QazAqparat Sınhýa agenttigine silteme jasap.
Habarlamada vırýs juqtyrǵan adamnyń shetten kelgeni aıtylǵan. Aýrý sımptomsyz ótedi, qazirgi tańda naýqas arnaıy bólingen aýrýhanada em alyp jatyr.
«Osylaısha qurlyqtyq Qytaıda omıkron shtamy alǵash ret paıda boldy»,- delingen Tıantszın qalasynyń epıdemıologııalyq shtabynyń málimdemesinde.
Qytaı megapolısiniń bıligi turǵyndardy COVID-19 vırýsynyń aldyn alý men saqtandyrý sharalaryn muqııat ustanýǵa shaqyrdy. ıAǵnı maska taǵyp, qoldy jıi jýyp otyrý kerek jáne áleýmettik ara qashyqtyqty ustanǵan jón.
Tıantszın QHR-dyń ortalyq baqylaýyndaǵy qala, onda 13 mln-nan astam halyq turady. Qytaı megapolısi el astanasy Beıjińnen 100 km qashyqtyqta jatyr.