Qytaıda meıramhanadan órt shyǵyp, 17 adam qaza tapty

BEIJІŃ. QazAqparat – QHR-diń soltústik-shyǵysyndaǵy Chanchýn megapolısinde meıramhanalardyń birinde bolǵan órt saldarynan 17 adam qaza tapty, dep habarlaıdy QazAqparat menshikti tilshisi Qytaıdyń Ortalyq telearnasyna (CCTV) silteme jasap.

Telearnanyń málimetinshe, sársenbi kúni jergilikti ýaqyt boıynsha saǵat 12:40-ta kezekshi qyzmetiniń pýltine Tszılın provıntsııasynyń Chanchýn qalasyndaǵy meıramhanalardyń birinde órt bolyp jatqany týraly habarlama túsken.

Shuǵyl jetken órt sóndirýshiler jalyndy sóndirgen. Jergilikti ýaqyt boıynsha saǵat 15:00-de izdeý-qutqarý jumysy aıaqtaldy.

17 adam qaza taýyp, taǵy úsh adam zardap shekti. Olar jergilikti aýrýhanalarda em qabyldap jatyr.

Órt saldaryn joıý jumystary júrgizilýde. Oqıǵanyń mán-jaıyn anyqtaý boıynsha tergeý bastaldy.

Foto: media.publika.md