Qytaıda kúnniń kúrt sýytýyna baılanysty eskertý jarııalandy

BEIJІŃ. Sınhýa-QazAqparat – Qytaıdyń Ulttyq meteorologııalyq qyzmeti beısenbi kúni eldiń kóp aýdanyndaǵy kúnniń sýytýy men qatty jel ekpinine baılanysty «kók» deńgeıdegi eskertý jarııalady, dep habarlaıdy QazAqparat Sınhýa agenttigine silteme jasap.

Ulttyq meteorologııalyq qyzmettiń deregine saı, beısenbi-jeksenbi kúnderi Ortalyq jáne Shyǵys Qytaıda aýa temperatýrasy Tselsıı boıynsha 6-10 gradýsqa tómendeıdi.

Sınoptıkterdiń aıtýynsha, eldiń keıbir aýdandarynda aýa temperatýrasy Tselsıı boıynsha 14 gradýsqa tómendeýi múmkin.

Meteorologtar adamdardy dalaǵa shyǵar aldynda jyly kıinýge, sonymen qatar sýyq pen jelden qorǵaný sharalaryn qoldanýǵa, al jergilikti jol jáne polıtsııa qyzmetterin joldaǵy kóktaıǵaqqa daıyn bolýǵa shaqyrdy.

Qytaıda qolaısyz aýa raıy týraly eskertýdiń tórt deńgeıli júıesi engizilgen. Júıe boıynsha, qaýiptiń eń joǵary deńgeıi – qyzyl, ári qaraı qyzǵylt sary, sary jáne kók tús júredi.