Qytaıda koronavırýspen kúreste selsoqtyq tanytty dep 70 sheneýnik jazalandy

BEIJІŃ. QazAqparat – Qytaıda koronavırýstyń taralýymen kúreste selsoqtyǵy úshin Qytaıdyń 70 sheneýnigi jazalandy. Sheneýnikterdiń jumystaǵy selsoqtyǵynan KVI-diń «delta» shtamy Qytaıdyń 31 provıntsııasynyń jartysynan kóbine taralyp ketken, dep habarlaıdy QazAqparattyń Qytaıdaǵy menshikti tilshisi.

Ótken beısinbide Qytaıdyń ońtústigindegi Gýandýn provıntsııasynda osy jyldyń mamyr-maýsym aılarynda COVID-19-ben kúreste óziniń qyzmettik mindetterin tıisti oryndamaǵany úshin 20 jergilikti sheneýnik jazalandy.

Resmı málimdemelerge sáıkes, 2021 jyldyń shildesinde Tszıansý, Henan jáne Hýnan provıntsııalarynda KVI-diń «delta» shtamynyń órshýine baılanysty jergilikti bılik organdarynyń, densaýlyq saqtaý jónindegi komıssııalardyń, aýrýhanalar men áýejaı basshylaryn qosqanda 47 laýazymdy tulǵa selqostyǵy úshin jazalanǵan.

Aıta ketsek, koronavırýstyń «delta» shtamynyń órshýi Qytaıdyń 17 provıntsııasyna taralǵan. Qazirgi kezde shildeniń ortasynan bastap KVI juqtyrýdyń 1 000 jaǵdaıy tirkelgen.