Qytaıda koronavırýsqa qarsy vaktsınanyń 24 mln dozasy salyndy
16:24, 31 Qańtar 2021
BEIJІŃ. QazAqparat – Qytaıda 31 qańtardaǵy jaǵdaı boıynsha koronavırýsqa qarsy vaktsınanyń 24 mıllıonnan astam dozasy salyndy. Bul týraly jeksenbide QHR Memlekettik Keńesiniń COVID-19 aldyn alý jáne baqylaý salasyndaǵy birlesken tetigi aıasynda ótken brıfıngte vırýstyq aýrýlardy baqylaý jáne aldyn alý ınstıtýtynyń dırektory Sıýı Venbo málimdedi, dep habarlaıdy QazAqparat tilshisi.
Sıýı Venbonyń aıtýynsha, ótken jyldyń jeltoqsan aıynyń ortasynan bastap Qytaıda halyqtyń negizgi toptary arasynda koronavırýsqa qarsy vaktsınalaý júrip jatyr.
«Qazirgi ýaqytta el ishindegi egý pýnktterinde tirkelgen ınektsııalardyń jalpy sany 24 mıllıon dozadan asty», – dedi ol.
Sonymen birge, Qytaı epıdemıology jańa COVID-19 ınfektsııasyna qarsy vaktsınaǵa keri áserler jıiligi tumaýǵa qarsy vaktsınadan aspaıtynyn atap ótti. Jalpyulttyq aýqymda eleýli keri áserler týraly habarlamalar sany 2019 jylmen salystyrǵanda azaıǵan.