Qytaıda koronavırýsqa qarsy 16 vaktsına klınıkalyq synaqtan ótedi

BEIJІŃ. QazAqparat – Qytaıda koronavırýsqa qarsy 16 vaktsına klınıkalyq zertteýden ótkizýge maquldandy, onyń altaýy synaqtyń úshinshi kezeńine jetti. Buǵan QHR Dári-dármekti baqylaý jónindegi memlekettik basqarmasynyń málimetteri dálel, dep habarlaıdy QazAqparattyń menshikti tilshisi.

Koronavırýsqa qarsy eki qytaılyq belsendi emes vaktsına naryqqa shyqqan bolatyn. Olar sáıkesinshe 2020 jyldyń jeltoqsanynda jáne 2021 jyldyń aqpanynda ruqsat aldy.

Sonymen qatar, Qytaı taǵy tórt túrli tehnologııalyq tásilderdi qoldana otyryp, koronavırýsqa qarsy vaktsınalar ázirleýde.

Atap aıtqanda, bul - rekombınantty preparattar, adenovırýstyq vektorǵa negizdelgen vaktsınalar, nýkleın qyshqyldary, sondaı-aq tumaý vırýstaryna negizdelgen vaktsınalar.

Eske sala keteıik, 9 aqpandaǵy jaǵdaı boıynsha Qytaı halqynyń negizgi toptary koronavırýsqa qarsy vaktsınanyń 40,52 mıllıon dozasyn aldy.

Qytaı halqynyń negizgi toptaryna arnalǵan COVID-19 vırýsyna qarsy vaktsınatsııa 2020 jyldyń 15jeltoqsanynda bastalǵan bolatyn.

Ótken jyldyń jeltoqsan aıynyń sońynda Qytaıda alǵashqy koronavırýsqa qarsy vaktsına maquldandy.