Qytaıda koronavırýs juqtyrýdyń rekordtyq sany tirkeldi - 23107 adam

BEIJІŃ. QazAqparat - Qytaıda ótken bir táýlikte koronavırýsty juqtyrýdyń rekordtyq jaǵdaıy tirkeldi - 23107 adam. Bul týraly Qytaı Halyq Respýblıkasynyń densaýlyq saqtaý isteri jónindegi memlekettik komıteti málim etti, dep habarlaıdy QazAqparat tilshisi.

Materıktik Qytaıdyń aımaqtary arasynda soltústik-shyǵys Tszılın provıntsııasy men Shanhaı qalasynda kúrdeli epıdemıologııalyq jaǵdaı saqtalyp otyr.

«Óten táýlikte koronavırýs ınfektsııasyn juqtyrýdyń 1323 jaǵdaıy tirkeldi, onyń ishinde 39 naýqas shetelden kelgen. 1284 vırýs juqtyrý jaǵdaıy el ishinen anyqtaldy, basym bóligi Tszılın provıntsııasy (890) jáne Shanhaı qalasynda (322)» delingen vedomstvonyń habarlamasynda.

Qytaıda sımptomsyz naýqastardyń jeke statıstıkasy bar. Ótken táýlikte 21784 sımptomsyz tasymaldaýshy anyqtaldy, onyń 73-i shetelden kelgen. Bul sanattaǵylardyń da basym bóligi Shanhaıda (19 660) jáne Tszılın provıntsııasynda (1 546) tirkeldi.

Pandemııa bastalǵannan beri materıktik Qytaıda COVID-19 dıagnozy qoıylǵandardyń jalpy sany 160,1 myńnan asty, saýyqqan jáne aýrýhanalardan shyǵarylǵandar – 131,3 myń, qaıtys bolǵandar – 4638 adam.

KVI-diń jańa tolqyny 31 ákimshilik-aýmaqtyq bólinisiniń 29-ynda taralǵan. 5 sáýirdegi jaǵdaı boıynsha 1,24 mlrd. astam adam tolyqtaı ekpe aldy, bul - Qytaıdyń jalpy halqynyń 88 paıyzy.

Buǵan deıin Úndistanda omıkron XE koronavırýsynyń jańa túri tirkelgeni týraly habarlanǵan bolatyn.