Qytaıda koronavırýs vaktsınasynyń 700 mln-nan astam dozasy egildi

BEIJІŃ. QazAqparat – Qytaıda koronavırýs ınfektsııasyna qarsy vaktsınanyń 700 mln-nan astam dozasy egildi. Bul týraly beısenbi kúni QHR Densaýlyq saqtaý ister jónindegi memlekettik komıteti málim etti, dep habarlaıdy QazAqparat.

Salalyq vedomstvonyń málimetinshe, 2 maýsymdaǵy jaǵdaı boıynsha eldiń 31 provıntsııasynda (avtonomdy aýdandar, qalalar) jáne Shyńjań óndiristik-qurylys korpýsynda koronavırýs ınfektsııasyna qarsy vaktsınanyń jalpy alǵanda 704 826 000 dozasy salyndy.

Keshe Qytaıdyń qurlyqtaǵy bóliginde COVID-19 juqtyrýǵa qatysty 24 jańa oqıǵa tirkeldi (sonyń ishinde 15 oqıǵa – lokaldi), ınfektsııadan eshkim ólmegen. Vırýsty juqtyrýdyń 15 lokaldi oqıǵasy Qytaıdyń ońtústigindegi Gýandýn provıntsııasynda anyqtalǵan.

Osyǵan baılanysty 2 maýsymda Gýanchjoý qalasynyń eki aýdanynda koronavırýsqa qatysty epıdemıologııalyq qaýip deńgeıi joǵary dep baǵalandy.

Mamyr aıynyń basynda qytaılyq BAQ Qytaıda koronavırýs juqtyrý qaýpiniń joǵary jáne ortasha deńgeıi bar aýdandar qalmaǵany týraly habarlaǵan.

Sońǵy resmı derekterge sáıkes, Qytaıdyń qurlyqtaǵy aýmaǵynda COVID-19 vırýsyna shaldyqqan patsıentterdiń 94,51 paıyzy saýyǵyp shyqty. 2019 jyldyń jeltoqsanynan bastap koronavırýs juqtyrǵandar sany 91 myń adamnan asty. Ólim-jitim kórsetkishi 5,08 paıyz (koronavırýstan 4 636 adam óldi).

Avtory Rýslan Súleımenov