Qytaıda koronavırýs órshidi

BEIJІŃ. QazAqparat – Qurlyqtyq Qytaıda epıdemıologııalyq ahýal nasharlaı tústi. Ótken táýlikte elde koronavırýs juqtyrýdyń jańadan 1621 jaǵdaıy jáne 16151 sımptomsyz tasymaldaýshy anyqtaldy. Bul týraly QHR Densaýlyq saqtaý isteri jónindegi memlekettik komıtettiń málimdemesinde aıtylǵan, dep habarlaıdy QazAqparat menshikti tilshisi.

Sońǵy kúnderi Ońtústik Gýandýn provıntsııasynda (COVID-19 juqtyrýdyń 5,6 myńnan astam jaǵdaıy), Chýntsın qalasynda (2,9 myńnan astam), Henan provıntsııasynda (2,2 myńnan astam) jáne Shyńjań-Uıǵyr avtonomııalyq aýdanynda (800-ge jýyq jaǵdaı) aýrý juqtyrýshylardyń artqany baıqalady.
Beıjińde koronavırýsty juqtyrý qaýpi joǵary 240-tan astam turǵyn úı aýmaǵy bar. Ótken táýlikte Qytaı astanasynda 450-den astam adamnan koronavırýs anyqtaldy. Sheteldik elshilikter, halyqaralyq uıymdar men iri korporatsııalardyń ókildikteri ornalasqan Chaoıan aýdanynda erekshe kúrdeli epıdemıologııalyq jaǵdaı qalyptasýda. Onda kóptegen sheteldikter de turady.
Beıjińniń mýnıtsıpaldyq bıligi Qytaı astanasynyń turǵyndaryn kóp serýendemeýge, epıdemıologııalyq qaýipti aımaqtarǵa, banketter men adamdar kóp jınalatyn oryndarǵa barmaýǵa shaqyrady.

Foto: direktno.hr