Qytaıda kókónis tuqymdaryna suranys kúrt artty

BEIJІŃ. QazAqparat - Qytaıda kókónis tuqymdaryna suranystyń kúrt ósýi 2022 jyldyń birinshi toqsanynda baıqaldy. Buǵan qytaılyq elektrondyq kommertsııa platformalaryndaǵy satý derekteri dálel, dep habarlaıdy QazAqparat tilshisi.

Málimetterge sáıkes, aǵymdaǵy jyldyń birinshi toqsanynda Beıjiń, Shanhaı jáne Hanchjoý sııaqty qalalarda satylym ósimi baıqalǵan.

Eń kóp satylatyn 10 kókónis pen shóp tuqymy korıandr, pııaz, qarbyz, salat, jasyl pııaz, qyzanaq jáne shalǵam tuqymdary boldy.

Qytaıdyń elektrondyq kommertsııa platformalarynda tuqymdardan basqa, otyrǵyzý jabdyqtary (kúrekter, usaqtaǵyshtar, kástrólder jáne qorektik topyraq) joǵary suranysqa ıe.

Koronavırýstyń órshýi jaǵdaıynda balkondarda kókónis daqyldaryn ósirý materıktegi Qytaıda, ásirese iri megapolısterde sándi qubylysqa aınalǵan.

Qytaı Halyq Respýblıkasynyń Densaýlyq saqtaý isteri jónindegi memlekettik komıtetiniń málimeti boıynsha, ótken táýlikte bir ǵana Shanhaıda 24,8 myń adam koronavırýs juqtyrǵan.