Qytaıda qıraǵan kómir karerinde alty adam qaza tapty
17:33, 24 Aqpan 2023
BEIJІŃ. QazAqparat – Qytaıdyń soltústiginde sársenbi kúni kómir kareri qıraýynan 47 adam iz-túzsiz joǵalyp, alty adam qaza tapty. Bul týraly QazAqparattyń menshikti tilshisi habarlaıdy.
Sınhýa agenttiginiń málimetinshe, QHR Іshki Mońǵolııa avtonomııa ólkesi Alashan aımaǵy aýmaǵynda kómir karerinde taý jynystarynyń qulaýynan qaza tapqandar sany altyǵa deıin ósti, taǵy 47 adam habar-osharsyz ketti.
Sońǵy aqparat boıynsha, úıindi astynan alty adam qutqarylǵan.
Qazirgi ýaqytta olarǵa medıtsınalyq kómek kórsetilip jatyr. Olardyń jaǵdaıy turaqty.
Oqıǵanyń mán-jaıy anyqtalyp jatyr, apat ornynda izdeý-qutqarý jumystary jalǵasyp jatyr.