Qytaıda qazaq halqynyń ulttyq qundylyqtary ulyqtalǵan mereke ótti

ASTANA. QazAqparat -  Qytaıdyń Gansý ólkesiniń Aqsaı qazaq avtonomııalyq aýdanynda turatyn qandastarymyz ulttyq qundylyqtarymyzdy ulyqtaǵan merekelik shara uıymdastyrdy, dep habarlaıdy QazAqparat kazakh.people.com.cn saıtyna silteme jasap.

Іshki Qytaı jerinde ornalasqan, qazaq mádenıetiniń shyǵystaǵy bir oshaǵy sanalatyn Aqsaı aýdanynda turyp jatqan qandastarymyz 1 mamyr -Halyqaralyq eńbekshiler kúnin atap óte otyryp, ulttyq mádenıetimizdi dáripteıtin merekelik shara uıymdastyrdy. Onyń barysynda alaman báıge, qyz qýý, kókpar tartý syndy ulttyq sport túrlerinen jarystar ótti.  Sonymen birge qazaq ánin áýeletken Aqsaı aýdandyq án-bı ujymynyń kontserti de kópshiliktiń yqylasyna bólendi.

Atalmysh qytaılyq BAQ-tyń jazýynsha, Aqsaı aýdany bıylǵy mamyr aıynan qazan aıyna deıin 6 ret at báıgesin ótkizýdi josparlap otyr. Olardyń barysynda alaman báıge, qunan báıge, jorǵa jarystarynan bólek, qyz qýý, kókpar tartý, at ústi óneri sekildi ulttyq sport oıyndary uıymdastyrylmaq. Sondaı-aq qazaq taǵamdaryn dáriptep, ulttyq án-bıimizdi arqaý etken kontserttik baǵdarlamardy kórsetýdi maqsat etýde. Aýdan halqy ulttyq mádenıetimizdi ózge ult ókilderine kórsetý arqyly jergilikti týrızmdi damytýǵa den qoımaq.