Qytaıda ǵımarat qırap, úıindi astynda qalǵan 53 adam mert boldy

BEIJІŃ. QazAqparat – Juma kúni Qytaıdyń Shansı provıntsııasynja qurylys materıaldar óndiretin tseh ǵımaraty opyrylyp, birneshe adam úıindi astynda qalyp qoıdy, dep habarlaıdy QazAqparattyń menshikti tilshisi.

Ortalyq Qytaı telearnasynyń málimetinshe, juma kúni tańerteń QHR soltústigindegi Shansı provıntsııasy Tszınchjýn qalalyq okrýginde qurylys materıaldaryn óndiretin tseh ǵımaraty opyrylǵan.

Oqıǵa saldarynan birneshe adam ǵımarat ishinde qalyp qoıǵan.

Oqıǵa ornynda qutqarý jumystary júrip jatyr.

Buǵan deıin habarlanǵandaı, 29 sáýirde Chansha qalasynda (Ortalyq Qytaı, Hýnan provıntsııasy) alty qabatty turǵyn úı ǵımaraty qıraǵan bolatyn.

Jumadaǵy jaǵdaı boıynsha, jergilikti bılik 53 adamnyń mert bolǵanyn rastady.

Úıindi astynan 10 turǵyn shyǵaryldy. Іzdeý-qutqarý jumystary aıaqtaldy.

Jergilikti BAQ málimetinshe, polıtsııa qulaǵan ǵımarattyń ıesin ustaǵan. Quqyq qorǵaý organdary tergeý jumystaryn júrgizip jatyr.