Qytaıda ekinshi dúnıejúzilik soǵysta qaza tapqan Smaǵul Maıdardyń týystary tabylmady
Heılýntszıan (2015 jylǵy 17 qarasha) provıntsııasy Mýdantszıan qalalyq okrýginiń Telınhe kentiniń «Chýnınıýan» memorıaldyq saıabaǵyndaǵy baýyrlastar zıratynda onyń súıegin qaıta jerleý rásimine jáne sol jerde (2016 jylǵy 22 qyrkúıek) keńes áskerlerine eskertkishtiń ashylýyna Qazaqstannan QHR-daǵy QR Qorǵanys mınıstrliginiń áskerı attashesi Eren Kójekov qatysty.
Eske salsaq, qyzyl ásker Smaǵul Maıdar 190-shy atqyshtar dıvızııasynyń 112-shi atqyshtar polkinde qyzmet etti. Ol 1905 jyly Pavlodar oblysy Kýbyshev aýdany Novo-Trıtskoe eldi mekeninde (qazirgi Pavlodar oblysy Aqtoǵaı aýdany) dúnıege keldi. Qyzyl áskerge 1943 jyly shaqyrtyldy. Ol kezde Novo-Troıtskoe aýylynda áıeli Smaǵulova Jámıla birge turǵan. Ol 1945 jylǵy 15 tamyzda mert boldy.
Qazaqstandyqtyń súıegin «Estelik vahtasy. Qytaı-2015» - Qytaı aýmaǵynda qaza tapqan keńes áskerlerin máńgi este saqtaý boıynsha birinshi birlesken reseılik-qytaılyq izdeý ekspedıtsııasynyń kóktemgi-jazǵy kezeńi barysynda tanydy.
Smaǵul Maılarmen birge serjant Melehın Tımofeı Nıkıtovıch (RF Perm ólkesiniń týmasy), efreıtor Solomenko Grıgorıı Arsentevıch (RF burynǵy Brıanskıı oblysy) jáne qyzyl ásker Petrenko Mıhaıl Nazarovıchtiń (Prımorskıı ólkesi) súıegi tanyldy.
2015 jylǵy jazdan bastap QHR-daǵy QR Elshiliginiń dıplomattary BAQ arqyly Smaǵul Maıdardyń týǵan-týystaryn biletin adamdardy izdestirgen bolatyn.