Qytaıda Ekinshi dúnıejúzilik soǵys kezinde qaza tapqan qazaq jaýyngeri anyqtaldy

ASTANA. QazAqparat - 2015 jyly maýsymda Qytaıda qaza tapqan keńes áskerleriniń máńgi este qaldyrý jolyndaǵy «Ýaqyt jady. Qytaı-2015» (Vahta Pamıatı. Kıtaı - 2015) alǵashqy reseı-qytaı birlesken izdeý ekspedıtsııasynyń (kóktemgi-jazǵy) birinshi kezeńi aıaqtaldy. Bul týraly QR SІM baspasóz qyzmetinen habarlady.

"Qoljetimdi muraǵat qujattarmen jasalǵan taldaý jumystary, tabylǵan máıit qaldyqtary 1945 jyldyń 15 tamyzynda 190-shy atqyshtar dıvızııasy 112-shi atqyshtar polkiniń qaıtys bolǵan áskerlerine tıesili ekenin kórsetti:

- Qyzyl armııa jaýyngeri Smaǵul Maıdar (1905 jyly dúnıege kelgen) dáldeýshi, Pavlodar oblysy Kýıbyshev aýdanynyń Novo-Troıtsk aýylynda (qazirgi ýaqytta Qazaqstan Respýblıkasy Pavlodar oblysynyń Aqtoǵaı aýdanynda) dúnıege kelgen. 1943 jyly Pavlodar aýdan áskerı komıssarıatymen Qyzyl armııa qataryna shaqyrylǵan, jubaıy - Smaǵýlova Jámılıa, Kýıbyshev aýdanynyń Novo-Troıtsk aýylynda turǵan.

- efreıtor Solomenko Grıgorıı Arsentevıch;

- serjant Melehın Tımofeı Nıkıtovıch;

- Qyzyl armııa jaýyngeri Petrenko Mıhaıl Nazarovıch.

2015 jyly 2 qyrkúıekte Mýdantszıan qalasyndaǵy (Heılýntszıan provıntsııasy) memorıaldyq saıabaǵynda máıit qaldyqtaryn saltanatty túrde qaıta jerleý josparlanyp otyr.

Qazirgi kezde Qazaqstan Respýblıkasynyń Syrtqy ister mınıstrligi Qorǵanys mınıstrligimen birlesip, marqum Smaǵul Maıdardyń týystaryn tabý jumystaryn júrgizýde", - dep jazylǵan habarlamada.