Qytaıda eki aıda 50 mln adamǵa koronavırýs vaktsınasy salynady

BEIJІŃ. QazAqparat - Qytaıda aldaǵy eki aıda 50 mıllıonǵa jýyq adamǵa koronavırýs ekpesi salynady, dep habarlaıdy QazAqparattyń menshikti tilshisi SCMP resýrsyna silteme jasap.

Bul naýqan jańajyldyq kanıkýl aldynda kóbirek adamdy vaktsınalaý úshin jasalyp otyr.

Aı kúntizbesi boıynsha jańa jyl 2021 jylǵy aqpan aıynyń ekinshi onkúndiginde bastalady.

Aıta keteıik, jańajyldyq demalys kezinde Qytaı halqy el ishinde kóp saıahattaıdy, bir-birine qonaqqa barady.

Qytaıda Sinopharm Sinovac Biotech Ltd kompanııasynyń 100 mln doza vaktsınasy el aýmaǵyna taratylady. Birinshi kezekte belgili bir topqa jatatyn azamattar ekpe alady. Olar - medıtsına qyzmetkerleri, órt sóndirýshiler, polıtsııa men keden qyzmetkerleri, kólik-logıstıka kompanııasynyń jumysshylary.

Vaktsınanyń alǵashqy dozasyn - 2021 jyldyń 15 qańtaryna deıin, al kelesisin - 5 aqpanǵa deıin alý kerek.

Eske sala keteıik, ótken aptada Shyńjan Uǵyr avtonomıa aýdanynyń Týrfan qalasynda koronavırýstyń sımptomsyz túrin juqtyrǵan úsh adam anyqtaldy. Osyǵan baılanysty Turfan ákimshiligi tıisti sharalardy qolǵa aldy.