Qytaıda «Dýaný» aıdahar qaıyqtarynyń merekesi bastaldy

BEIJІŃ. QazAqparat – Qytaı turǵyndary Aı kúntizbesi boıynsha besinshi aıdyń besinshi kúnine túsetin «Dýaný» aıdahar qaıyqtarynyń merekesin atap ótýde. Osyǵan baılanysty 22-24 maýsym mereke kúnderi Qytaıdyń ondaǵan mıllıon azamaty el boıynsha týrıstik saparlarǵa attanady, dep habarlaıdy QazAqparat tilshisi.

Qytaı týrızm akademııasynyń baǵalaýynsha, «Dýaný» merekesi kezinde 100 mln sapar jasalady, al týrıstik shyǵyn 37 mlrd ıýandi (shamamen 5 5,2 mlrd dollar) quraıdy. Tanymal týrıstik baǵyttar - Beıjiń, Shanhaı, Hanchjoý, Chendý, Tsındao jáne basqalary.

«Qytaı temir joldary» korporatsııasynyń boljamynsha, osy mereke kúnderi eldiń temir joldarymen 71 mln-ǵa jýyq jolaýshy saparlaıdy. Jolaýshylar aǵyny ásirese beısenbi kúni kóp bolmaq - bul kúni Qytaıdyń temir joldarymen shamamen 16 mln jolaýshy tasymaldanady.

Dástúr boıynsha, «Dýaný» merekesi kezinde adamdar aıdahar qaıyqtarymen jarysady jáne bambýk japyraqtaryna oralǵan jáne pishini úshburyshqa uqsas ár túrli salmasy bar jabysqaq kúrishten jasalǵan táttiler - «tszýntszy» ázirleıdi.

Úsh kún boıy Qytaı qalalary men kentterinde túrli sharalar, halyq oıyndary men jármeńkeler ótedi.

Rýslan Súleımenov