Qytaıda COVID-19-ǵa qarsy alǵashqy aerozoldy vaktsınany qoldanýǵa ótinim berildi

BEIJІŃ. QazAqparat – Qytaıda COVID-19-ǵa qarsy ıngalıatsııalyq vaktsınany shuǵyl jaǵdaılarda klınıkalyq qoldanýǵa QHR azyq-túlik jáne dári-dármekterdi baqylaý jónindegi memlekettik basqarmasyna ótinim berildi, dep habarlaıdy QazAqparat menshikti tilshisi Sınhýa agenttigine silteme jasap.

COVID-19-ǵa qarsy alǵashqy ıngalıatsııalyq vaktsınany Qytaı ınjenerlik akademııasynyń akademıgi Chen Veı Shanhaıdaǵy ınnovatsııa forýmynda usyndy.

Qytaı akademıginiń aıtýynsha, ıngalıatsııalyq vaktsına ınektsııalyq adenovırýstyq vektorlyq vaktsınanyń besten bir dozasyn ǵana kerek etedi jáne ony saqtaý, tasymaldaý qajet emes.

«Eger vaktsına ıngalıator arqyly jutylsa, onda ol shyryshty qabyqtardyń ımmýnıtetin qalyptastyrýǵa qabiletti. Antıdeneler men jasýshalyq ımmýnıtettiń damýymen birge bul deneni koronavırýstan qorǵaýǵa múmkindik beredi», -deıdi Chen Veı.

Ol sondaı-aq 2020 jyldyń tamyzynda Qytaıda ınektsııasyz vaktsınany zertteý nátıjeleri alǵash ret jarııalanǵanyn jáne sol jyldyń qyrkúıeginde Ýhan qalasynda onyń klınıkalyq synaqtan ótkenin atap ótti.