Qytaıda búgin eki jer silkinisi tirkeldi

ASTANA. QazAqparat – QR Tótenshe jaǵdaılar mınıstrligine qarasty «STÁK» JShS-niń seısmıkalyq stansalar jelisi 10 qańtar kúni Qytaıda eki jer silkinisin tirkedi, dep habarlaıdy QazAqparat.

«Zilzalanyń oshaǵy Almaty qalasynan 548 km qashyqtyqta, Qytaı aýmaǵynda ornalasqan. Energetıkalyq klasy – 11.5. MPV magnıtýdasy – 5.5. Epıtsentr koordınaty – 38.78° s.e. 74.01° sh.b. Tereńdigi – 15 km. Sondaı-aq búgin Almaty ýaqytymen saǵat 10:10-da taǵy bir jer silkinisi tirkelgen. Zilzala oshaǵy Almatydan soltústik-shyǵysqa qaraı 332 shaqyrym jerde, taǵy da Qytaı aýmaǵynda ornalasqan. Energetıkalyq klasy – 9.0. MPV magnıtýdasy – 4.2. Epıtsentr koordınattary – 44.43° s.e. 80.68° sh.b. Tereńdigi – 10 km», - delingen kezekshi operator habarlamasynda.

Foto: ekonomigundemi.com.tr