Qytaıda bıyldyqqa toǵyzynshy taıfýn turyp, myńdaǵan adam evakýatsııalandy

BEIJІŃ. QazAqparat – Qytaıdyń shyǵysyndaǵy Gýandýn provıntsııasynyń Chjýhaı qalasy aýdanynda «Saola» taıfýny qurlyqqa shyqty. Bul – elde bıyldyqqa kóterilgen toǵyzynshy taıfýn, dep habarlaıdy QazAqparat «Sınhýa» agenttigine silteme jasap.

Meteorologter málimeti boıynsha, Chjýhaı qalasynyń Tszınvan aýdany tusynda soqqan jeldiń maksımaldy jyldamdyǵy epıortalyq mańynda 42-46 m/s jetken. «Saola» jaǵalaý boıymen ońtústik-batys baǵytta, saǵatyna 15-20 km jyldamdypen jyljıdy jáne birtindep báseńdeıdi dep boljanyp otyr.

Gýandýn provıntsııasynyń 780 myńǵa jýyq turǵyny qaýipti aýdandardan evakýatsııalanǵan, 80 myńnan astam balyq aýlaý kemeleri jaǵaǵa oralǵan. Sondaı-aq, 13 qalanyń bastaýysh pen orta mektepterinde oqý jylyn bastaý kúni keıinge qaldyryldy, balalar baqshalarynyń da jumysy toqtap tur.

Buǵan deıin habarlanǵanyndaı, Qytaıdyń Ulttyq observatorııasy «Saola» taıfýny qaýpiniń qyzyl deńgeıin jarııalady.