Qytaıda bir táýlikte 3 ret jer silkindi

ALMATY. QazAqparat –Qazaqstan Respýblıkasy Tótenshe jaǵdaılar mınıstrliginiń seısmıkalyq stansalar jelisi 29 tamyz kúni Almaty ýaqyty boıynsha saǵat 15:30-da jer silkinisin tirkedi, dep habarlaıdy QazAqparat.

«Zilzala oshaǵy Almatydan ońtústik-shyǵysqa qaraı 606 km qashyqtyqta Qytaı aýmaǵynda bolǵan. Zilzalanyń energetıkalyq klasy 11.0. Magnıtýdasy 4.9. MPV. Epıtsentriniń baǵyty 41.31° s.e. 83.79° sh.b. jatyr. Tereńdigi 15 km. Sezilýi týraly aqparat joq», - delingen habarlamada.

Buǵan deıin habarlanǵandaı, qazaqstandyq seısmologtar Almatydan ońtústikke qaraı 426 km qashyqtyqta Qytaı aýmaǵynda jer silkinisin tirkedi. Sondaı-aq, tańerteń Qytaı aýmaǵynda 4.7. MPV magnıtýdaly zilzala bolǵan edi.