Qytaıda avtobýs jarylyp, bir adam kóz jumdy, 40-tan asa adam zardap shekti

BEIJІŃ. QazAqparat – Qytaıda avtobýs jarylyp, saldarynan bir adam kóz jumdy, 40-tan asa adam zardap shekti. Jarylys senbi kúni keshke Lıaonın provıntsııasynyń (Soltústik-Shyǵys Qytaı) ákimshilik ortalyǵy Shenıan qalasynda boldy. Bul týraly QazAqparat tilshisi «Hýantsıývan» saıty jergilikti polıtsııaǵa silteme jasap habarlaıdy.

Basylymnyń derekterine saı, 12 aqpan kúni jergilikti ýaqyt boıynsha saǵat 17:55-te Shenıan qalasynyń Qoǵamdyq qaýipsizdik basqarmasynyń ortalyǵyna Hýangý aýdanynda kele jatqan 232 avtobýsta jarylys bolǵany týraly aqparat kelip tústi.

«Hýantsıývan» saıtynda áınekteri synyp, syrty zaqymdanǵan jolaýshylar avtobýsynyń sýreti jarııalanǵan.
Sońǵy derekterge sáıkes, jarylys saldarynan bir adam kóz jumǵan, eki adam aýyr, 40 adam jeńil jaraqattar alǵan. Zardap shekkender aýrýhanaǵa jetkizilip, olarǵa medıtsınalyq kómek kórsetildi.
Jarylystyń neden bolǵany anyqtalyp jatyr.