Qytaıda asyq oıyny úıretilýde
06:26, 13 Qańtar 2018
BEIJІŃ-AQSAI. QazAqparat - 12 qańtarda QHR-dyń Gansý ólkesi Aqsaı-qazaq avtonomııalyq aýdanynda qazaqtyń asyq atý ulttyq oıynyn úıretý kýrsy ashyldy. Bul týraly QazAqparat tilshisine atalǵan aımaqtyń «Armantaý» mádenı birlestiginiń jetekshisi Marqaba Málikuly habarlady.
«QHR-dyń Gansý ólkesi Aqsaı-qazaq avtonomııalyq aýdanyndaǵy «Armantaý» mádenı birlestigi (www.armantaw.com) jergilikti Mádenıet jáne sport jónindegi ortalyqpen birlese otyryp asyq atýdy úıretý kýrsyn ashty. Qazaq oıynynyń osy túrin keńinen taratý Qytaıdaǵy Ýıchat (WeChat messendjeri) jelisi arqyly júrgiziledi», - dedi ol.
Saltanatty ashylý rásimine avtonomııalyq aýdannyń basshylyǵy jáne 500 qyz ben ul qatysty.
Eske sala ketsek, Aqsaı-qazaq avtonomııalyq aýdanynda 3 myńǵa jýyq qazaq mekendeıdi, al Shyńjań-Uıǵyr avtonomııalyq ólkesinde bir mıllıonnan astam qazaq dıasporasy turady.