Qytaıda áskerı ushaq turǵyn úı ǵımaratyna qulap, bir adam mert boldy

BEIJІŃ. QazAqparat – Beısenbi kúni tańerteń Qytaı áskerı-áýe kúshteriniń J-7 ushaǵy Sıanıan qalasynda (Hýbeı provıntsııasy, Ortalyq Qytaı) áýejaıǵa jaqyn mańda ushý jattyǵýy kezinde apatqa ushyrady, dep habarlaıdy QazAqparat menshikti tilshisi Ortalyq Qytaı telearnasyna silteme jasap.

ÁÁK ushaǵynyń Sıanıan qalasynda turǵyn úı ǵımaratyna qulaýy saldarynan kem degende bir adam qaza taýyp, ekeýi jaraqat aldy. Ushqysh katapýlta jasap úlgergen. Ushqysh pen zardap shegýshiler aýrýhanaǵa jetkizildi.

Qaza tapqan adam men zardap shekkenderdiń jergilik turǵyn ekeni habarlandy.

Apat bolǵan jerde qutqarýshylar jumys istep jatyr. Qazirgi ýaqytta oqıǵanyń mán-jaıy jáne zardap shekkenderdiń naqty sany anyqtalýda.