Qytaıda aptap ystyqqa baılanysty eskertý jarııalandy

BEIJІŃ. SINЬHÝA-QazAqparat – Qytaıdyń ulttyq meteorologııalyq ortalyǵy beısenbi kúni eldiń kóptegen aımaǵynda kúnniń qatty ysýyna baılanysty bıyldyqqa alǵash ret «qyzǵylt sary» eskertýin jarııalady, bul – ekinshi oryndaǵy joǵary qaýip deńgeıi, dep habarlaıdy QazAqparat Sınhýa agenttigine silteme jasap.

Eldiń meteorologııalyq ortalyǵy 23 maýsymda kúndiz Soltústik Qytaı jáne Hýanhe men Hýaıhe ózeni boıyndaǵy aımaqtarda aýa temperatýrasy 35 gradýstan joǵary bolatynyn habarlady.

Boljam boıynsha, Hebeı men Shandýn provıntsııalarynyń keı jerlerinde jáne Beıjiń men Tıantszın qalalarynda temperatýra 40 gradýsqa jetýi múmkin.

Keshe saǵat 9:00-de Beıjińde aýa temperatýrasynyń joǵary bolýyna baılanysty «qyzǵylt sary» eskertýi jarııalandy. Boljam boıynsha Qytaı astanasynyń kóptegen aýdandarynda aptap ystyq senbige deıin saqtalady.

Aıta ketsek, saǵat 8:00 men 16:00 aralyǵynda Hebeı men Shandýn, Beıjiń jáne Tıantszın provıntsııalarynyń bir bóliginde aýa temperatýrasy 40 gradýstan asqan. Osy tórt provıntsııa aımaǵynda ornalasqan 17 memlekettik meteorologııalyq stantsııa aýanyń rekordtyq joǵary temperatýrasyn tirkedi. Beıjiń meteorologııalyq qyzmetiniń habarlaýynsha, qalanyń ońtústigindegi Nantszıao meteorologııalyq stansasynda saǵat 15:19-da aýa temperatýrasy 41,1 gradýs bolǵan.

Qytaıda joǵary temperatýraǵa baılanysty úsh deńgeıli eskertý júıesi qabyldanǵan: qaýiptiliktiń eń joǵary deńgeıi – qyzyl tús, odan keıin qyzǵylt sary jáne sary tús.