Qytaıda alǵash ret koronavırýstyń omıkron shtamynyń áldeqaıda juqpaly túri anyqtaldy

BEIJІŃ. QazAqparat - Gýanchjoýǵa Kenııadan kelgen naýqastan BA.2.12.1 omıkronynyń jańa nusqasy anyqtaldy. Bul týraly Qytaıdyń aýrýlardy baqylaý jáne aldyn alý ortalyǵy málim etti, dep habarlaıdy QazAqparat tilshisi.

CCDC málimetteri boıynsha, sáýir aıynyń sońynda Naırobıden (Kenııa) Gýanchjoýǵa kelgen 27 jastaǵy naýqasqa 14 kúndik karantın kezinde omıkronnyń BA.2.12.1 nusqasy dıagnozy qoıylǵan.

Omıkronnyń jańa nusqasy álemniń kem degende 23 elinde tirkelgen. Buǵan deıin Dúnıejúzilik densaýlyq saqtaý uıymy elderdi omıkronnyń jańa qosalqy nusqasyna baılanysty jaǵdaıdyń ýshyǵýyn baqylaýǵa alýǵa jáne muqııat bolýǵa shaqyrǵan bolatyn. Óıtkeni, bul omıkronnyń basqa nusqalarymen salystyrǵanda, BA.2.1 ımmýndyq qorǵanysqa kúshti qarsylyq kórsetedi. Tipti, koronavırýsqa qarsy údetkish ekpeler alǵan adamdarǵa da aýyr soǵýy múmkin. BA.2.12.1 omıkronynyń ótkizgishtigi BA.2 omıkron shtamynyń nusqasyna qaraǵanda 23-27%-ǵa joǵary bolyp shyqty.