Qytaıda alapat tolqyn bir top adamdy teńizge aǵyzyp áketti
22:26, 14 Tamyz 2021
BEIJІŃ.Sınhýa-QazAqparat - Qytaıdyń shyǵys jaǵalaýynda bolǵan alapat tolqyn jergilikti turǵyndardyń bir tobyn teńizge aǵyzyp áketti, 10 adam qaza tapty, taǵy bireýi iz -tússiz joǵaldy. Bul týraly QazAqparat Sınhýa agenttigine silteme jasap habarlaıdy.
Oqys oqıǵa Chjanchjoý qalasy (Fýtszıan provıntsııasy) aýmaǵynda bolǵan. Zardap shekkenderdiń barlyǵy -jaǵajaıda demalyp jatqan adamdar.
Polıtsııa anyqtaǵandaı, kúshti tolqyn 17 adamdy alyp ketti, olardyń altaýy qutqaryldy. Qutqarýshylar joǵalǵandardy izdeýdi jalǵastyrýda. Oqıǵanyń egjeı -tegjeıi naqtylanýda, tergeý júrgizilýde.