Qytaıda 800 myńnan astam adam «Doksýrı» taıfýnynan zardap shekti

BEIJІŃ. SINЬHÝA – QazAqparat – Shyǵys Qytaıdaǵy Fýtszıan provıntsııasynyń Sý tasqyny men qurǵaqshylyqpen kúres shtaby «Doksýrı» taıfýnynan 880 myńnan astam turǵyn zardap shekkenin málimdedi, dep habarlaıdy QazAqparat Sınhýa agenttigine silteme jasap.

354,4 myń adam evakýatsııalandy jáne 146,2 myń adam qaýipsiz aýdandarǵa kóshirildi.

Qytaıdyń ulttyq meteorologııa ortalyǵy (UMO) jeksenbi keshke taǵy da jaýyn-shashynǵa baılanysty eskertýdiń «qyzyl» deńgeıin uzartty. UMO boljamy boıynsha, Hebeı, Shansı, Henan, Shandýn, Haınan, ıÝnnan jáne Sychýan, Gýansı-Chjýan provıntsııalary men Shyńjan-Uıǵyr avtonomdy aýdandarynda, Іshki Mońǵolııa avtonomdy aýdanynda, sonymen qatar Beıjiń men Tıantszın ortalyqtan basqaratyn qalalarda nóser jańbyr jaýýy múmkin.

Osy aýdandarda jaýyn-shashyn mólsheri saǵatyna 70 mm-den artyq túsedi, oǵan kún kúrkirep, jel qosylady.

Jergilikti bılik organdary qajetti apattyq-qutqarý jumystaryn tıimdi ótkizýdi qamtamasyz etý kerek ekenin eskertti.

UMO kópshilik is-sharalardy, sabaqty, sharýashylyq isterdi toqtata turýǵa shaqyryp, taýdan aqqan tasqyn, kóshkin nemese sel syndy tabıǵat apattary bolǵan jaǵdaıda qaýipsizdik sharalaryn saqtaýǵa shaqyrdy.

Buǵan deıin «Doksýrı» taıfýny jerge shyqqan kezdegi jeldiń jyldamdyǵy 50 m/s deıin jetkeni habarlanǵan. Taıfýn soltústik-batys baǵytta qozǵalyp, saǵatyna 30 shaqyrym jyldamdyqpen qurlyqtyq Qytaıǵa barady, kúshi birtindep azaıady degen boljam bar.