Qytaıda $78 mln kóleminde para alǵan sheneýnik ólim jazasyna kesildi

BEIJІŃ. TASS-QazAqparat – QHR shyǵysyndaǵy Taıan qalasynyń soty juma kúni Lıaonın provıntsııasynyń halyqtyq saıası-konsýltatıvtik keńesiniń burynǵy vıtse-tóraǵasy Lı Vensıdi 540 mln ıýan (shamamen 78 mln dollar) para alǵany úshin ólim jazasyna kesti. Bul týraly «Jenmın jıbao» gazeti málimdedi, dep habarlaıdy QazAqparat TASS agenttigine silteme jasap.

Basylymnyń málimeti boıynsha, úkim eki jylǵa kesheýildep oryndalady.

Memleket aıyptalýshynyń barlyq múlkin tárkileıdi.

Sonymen qatar, eki jyldan keıin jazany jeńildetý múmkindiginsiz ómir boıy bas bostandyǵynan aıyrýǵa aýystyrý josparlanǵan.

Jergilikti sot organdarynyń pikirinshe, Lı Vensıdiń zańǵy qaıshy áreketteri «memleket pen adamdardyń múddesine aıtarlyqtaı zalal keltirgen».

Degenmen, aıyptalýshy tergeýge kómektesip, bul áreketi isin jeńildetýge kómektesti.

QHR bıligi 2012 jyly bılikke Sı Tszınpın bastaǵan «besinshi urpaq» jetekshileri kelgennen keıin jemqorlyqqa qarsy kúresti kúsheıtti.

Keıingi jyldary jemqorlyqqa qarsy aýqymdy naýqan nátıjesinde kóptegen sheneýnik, onyń ishinde joǵary shendiler de qyzmetinen aıyrylyp, túrmege qamaldy.

Olardyń qatarynda ómir boıy bas bostandyǵynan aıyrylǵandar da bar.