Qytaıda 700 myńnan astam adam «Doksýrı» taıfýnynan zardap shekti

BEIJІŃ. QazAqparat – Juma kúni Qytaıdyń Fýtszıan provıntsııasynyń 700 myńnan astam turǵyny «Doksýrı» taıfýnynan zardap shekti, dep habarlaıdy QazAqparat menshikti tilshisi.

Daýyl saldarynan 120 myńnan astam turǵyn Fýtszıan provıntsııasynyń qaýipsiz aımaqtaryna kóshirildi, 260 ga egistik jer búlindi, bul 7,3 mln dollar kóleminde tikeleı ekonomıkalyq shyǵynǵa ákeldi.

Qytaı meteorologııa qyzmetiniń málimetinshe, «Doksýrı» taıfýny qurlyqqa shyqqan kezde onyń epıtsentrine jaqyn jeldiń maksımaldy jyldamdyǵy 50 m/s-qa jetti. Taıfýn soltústik-batys baǵytta materıktik Qytaıǵa 30 km/saǵ jyldamdyqpen jyljyp, birtindep álsireıdi dep kútilýde.

Meteorologtardyń baǵalaýynsha, «Doksýrı» bıylǵa Qytaıdaǵy eń qýatty taıfýn boldy.

Tabıǵı apatqa baılanysty Fýtszıan provıntsııasynyń iri qalalarynda juma kúni sabaq, jumys jáne iskerlik belsendilik toqtatyldy. Bılik turǵyndardy úıden shyqpaýǵa, sondaı-aq aýyz sý men azyq-túlik qoryn jasap alýǵa shaqyrdy.

Daýyl saldarymen kúresý úshin 3 myńnan astam áskerı qyzmetshi men 300-den astam tehnıka jumyldyrylǵan.

Qytaı bıligi Fýtszıan, Gýandýn jáne Chjetszıan provıntsııalaryna «Doksýrı» taıfýny aımaqqa ákelgen daýyl men nóser jańbyrdyń saldaryn joıý úshin 90 mln ıýan bóldi.

Buǵan deıin «Doksýrı» qýatty taıfýny Fılıppındi ábigerge túsirgen bolatyn.

Qytaı atalǵan taıfýnnyń kelýine aldyn ala daıyndyq júrgizgen edi.