Qytaıda 5 baldyq jer silkinisi bolyp, 3 adam qaza tapty

BEIJІŃ. QazAqparat – Qytaıdyń Shyńjan-Uıǵyr avtonomdy aımaǵynyń Aksý okrýgindegi Baıchen ýezinde bolǵan jer silkinisi saldarynan úsh adam qaza taýyp, ondaǵan úı qıraldy, dep habarlaıdy QazAqparattyń Qytaıdaǵy menshikti tilshisi.

Jergilikti ýaqyt boıynsha saǵat 13:30-da Shyńjan-Uıǵyr avtonomdy aımaǵynyń Aksý okrýgindegi Baıchen ýezinde jer silkinisi saldarynan úsh adam qaza taýyp, 65 úı búlindi, olardyń 16-synyń shatyry qırady .

Qytaı seısmologııalyq ortalyǵynyń málimetinshe, zilzala sársenbi kúni tańerteń, Beıjiń ýaqytymen saǵat 05:14-te bolǵan. Jer silkinisiniń qýattylyǵy – 5,4 ball. Oshaǵy 10 shaqyrym tereńdikte jatty. Birinshi jer silkinisinen keıin qytaılyq seısmologtar taǵy 10 jerasty dúmpýin tirkegen.

Oqıǵa ornynda qutqarý qyzmetteri jumys júrgizip jatyr.