Qytaıda 2 mıllıonǵa jýyq adam qurǵaqshylyqtan zardap shegýde

BEIJІŃ. QazAqparat – Shilde aıynan beri Qytaıdyń birneshe aımaǵynda qatty qurǵaqshylyq saldarynan 2 mıllıonǵa jýyq adam zardap shekti, dep habarlaıdy QazAqparat tilshisi Sınhýa agenttigine silteme jasap.

Tszıansı provıntsııasynda (Shyǵys Qytaı) shilde aıynyń ortasynan beri qatty qurǵaqshylyq 1,38 mıllıonnan astam adamǵa áser etti. Qytaıdyń osy provıntsııasynyń ártúrli aımaqtarynda 11 myńǵa jýyq adam aýyz sý tapshylyǵyna tap boldy. Seısenbi kúni Tszıansı provıntsııasynda aptap ystyqqa baılanysty qaýiptiliktiń eń joǵarǵy qyzyl deńgeıi jarııalandy.

Sonymen qatar Chýntsın qalasynda (Ońtústik-Batys Qytaı) qurǵaqshylyqtan 600 myńnan astam adam zardap shekti. Dúısenbide qalalyq sý tasqyny men qurǵaqshylyqty baqylaý shtaby megapolıstiń birneshe aýdanynda tótenshe jaǵdaıǵa qarsy áreket etýdiń qyzǵylt sary deńgeıin jarııalady.

Qurǵaqshylyq Qytaıdyń osy ákimshilik-aýmaqtyq birlikterindegi aýyl-sharýashylyǵy ónimderine aıtarlyqtaı zııanyn tıgizdi. Buǵan deıin habarlaǵanymyzdaı, Qytaı bıligi el aımaqtaryndaǵy qurǵaqshylyq saldaryn joıýǵa 30 mıllıonǵa jýyq AQSh dollaryn bólgen.

Foto: AFP PHOTO