Qytaı júk tasymaldaıtyn kemesin ǵaryshqa ushyrdy

VENЬChAN. Sınhýa-QazAqparat - Qytaı búgin tańerteń júk tasıtyn «Tıanchjoý-5» ǵarysh kemesin ushyrdy, dep habarlaıdy QazAqparat Sınhýa agenttigine silteme jasap.

Bul keme ǵarysh stansasynyń qurylysyna qajet júkti jetkizedi. Onyń mindeti – stansany jabdyqtaý.

Bul joly kemede stansanyń orbıtasyna kerek janarmaı jáne sál keıinirek, 2022 jyldyń jeltoqsanynda ushatyn Shenchjoý-15 basqarylatyn ǵarysh kemesi ekıpajyn qamtamasyz etýge qajet materıaldar bar.

Aıta keteıik, ǵarysh stansasynyń qurylysy osy jyldyń sońyna deıin aıaqtalady dep josparlanǵan.

«Tıanchjoý-5» ǵarysh kemesi bortyna tıelgen CZ-7 Y6 /Long March-7 Y6 zymyrantasyǵyshy Haınan aral-provıntsııasynyń ońtústik-qytaı jaǵalaýynda ornalasqan Venchan kosmodromynan ushyryldy.

Bul jaıynda Qytaı ǵarysh baǵdarlamasy keńsesiniń málimetinen belgili boldy.