Qytaı jáne EO Ortalyq Azııadaǵy turaqtylyqty saqtaýǵa kúsh biriktirýde
18:11, 29 Shilde 2013
BEIJІŃ. 29 shilde. QazAqparat - Qytaı jáne Eýropalyq Odaq Ortalyq Azııa boıynsha baılanystar men ózara is-qımyldy odan ári qoldaýdy jalǵastyrýǵa, aımaqtaǵy beıbitshilik pen turaqtylyqty saqtaýǵa kúsh biriktirýge ýaǵdalasty. Mundaı sheshim QHR Syrtqy ister mınıstriniń orynbasary Chen Gopın jáne EO Ortalyq Azııa isteri jónindegi arnaıy ókili Patrıtsııa Flor arasyndaǵy kezdesý barysynda qabyldandy, dep habarlanǵan QHR SІM saıtynda.
Brıýsselde, aǵymdaǵy jylǵy 25 shildede Qytaı men EO arasynda Ortalyq Azııadaǵy ahýal jóninde kelissózder ótti. Taraptar Ortalyq Azııa, Aýǵanstan jáne Shanhaı Yntymaqtastyq Uıymyndaǵy jaǵdaıdy damytý máseleleri jóninde pikir almasty.