Qytaı SІM Qazaqstanǵa gýmanıtarlyq kómegi úshin alǵys bildirdi

BEIJІŃ. QazAqparat – Qytaı Halyq Respýblıkasy Syrtqy ister mınıstrligi koronavırýs indetimen kúres úshin jetkizilgen Qazaqstannyń gýmanıtarlyq kómegine alǵys bildirdi. Bul týraly búgin QHR SІM resmı ókili Hýa Chýnın málim etti, dep habarlaıdy QazAqparat.

«2 aqpan kúngi jaǵdaı boıynsha on bir el men UNICEF koronavırýstyń aldyn alý jáne onymen kúresý úshin qajetti medıtsınalyq quraldar túrinde Qytaıǵa gýmanıtarlyq kómek jiberdi. Olardyń qatarynda Ońtústik Koreıa, Japonııa, Ulybrıtanııa, Frantsııa, Túrkııa, Pákistan, Qazaqstan, Majarstan, Iran, Belarýs jáne Úndistan bar», - dep málimdedi QHR SІM.

«Naǵyz dos qıynshylyqta tanylady. Olardyń barlyǵyna alǵysymyz sheksiz», - dedi qytaılyq elshi.

Sondaı-aq, ol Qytaıdyń medıtsınalyq betperde, qorǵanysh kostıým men kózildirikke muqtaj ekenin habarlady.

Eske sala keteıik, memleket basshysynyń tapsyrmasy boıynsha QHR-ǵa 13,6 tonna kóleminde medıtsınalyq buıymdar túrinde gýmanıtarlyq kómek jetkizilgen bolatyn.