Qytaı shilde aıynda Reseıden keletin altyn ımportyn 8,5 esege arttyrdy

EIJІŃ. QazAqparat - Qytaı Batystyń Reseı altynyn satyp alýǵa engizgen sanktsııalary aıasynda shilde aıynda RF-dan keletin altyn ımportyn ótken aımen salystyrǵanda 8,5 ese, $108,79 mln-ǵa deıin arttyrdy. Bul týraly QHR Bas keden basqarmasynyń derekterinde keltirilgen, dep habarlaıdy QazAqparat TASS-qa silteme jasap.

Qytaı vedomstvosynyń aı saıynǵy jańartylatyn statıstıkasyna sáıkes, shildede Reseı Beıjińge altyn jetkizýshilerdiń ondyǵyna endi.

Tizimde Shveıtsarııa kósh bastap tur, odan keıin Kanada, Avstralııa, Ońtústik Afrıka jáne Sıngapýr tur.

Qańtar-shilde aılarynda Qytaı Reseıden 133,6 mıllıon dollarǵa altyn ımporttady, bul 2021 jyldyń sáıkes kezeńimen salystyrǵanda úsh ese kóp.

Foto: g.foolcdn.com