Qytaı shetelge toptyq týrlardy toqtatty

BEIJІŃ. QazAqparat - Qytaıdyń ımmıgratsııalyq organdary sheteldik toptyq týrlarǵa tyıym salý saıasatyn jalǵastyrýda jáne koronavırýs pandemııasyna baılanysty el azamattaryna shetelge shyǵýdan bas tartýdy usynady, dep habarlaıdy QazAqparat tilshisi QHR Memlekettik ımmıgratsııa basqarmasyna silteme jasap.

«Biz azamattarǵa Qytaıdan orynsyz ketpeýge keńes beremiz, al shetelge saıahattaýdy josparlap otyrǵandar pandemııaǵa baılanysty táýekelder men qaýipti eskerýi kerek», - dedi QHR Memlekettik ımmıgratsııa jónindegi basqarmasynyń shekara ınspektsııasy bóliminiń basshysy Lıý Haıtao.

Onyń aıtýynsha, elde áli de sheteldegi toptyq týrlarǵa shekteýler bar jáne sheteldegi kórikti jerlerge saıahattaý nemese dostaryna barý úshin jeke saparlaýǵa jol berilmeıdi.

Sonymen birge, Qytaıdyń ımmıgratsııalyq bıligi halyqty qajetti sebepter, shuǵyl jeke ister boıynsha kirý/shyǵý qujattaryn ýaqtyly rásimdeıdi. Qajetti (shuǵyl, keıinge qaldyrylmaıtyn) sheteldik saparlarǵa gýmanıtarlyq júkterdi jetkizý, negizgi ınjenerlik jobalarǵa qatysý, ǵylymı zertteýler, oqý, emdeý, aýyr naýqastarǵa kútim jasaý jatady.

2020 jyldyń basynan beri Qytaı halyqaralyq reısterdiń sanyn aıtarlyqtaı qysqartty. Bul indettiń shetelden ákelinýine jol bermeý úshin jasaldy.