Qytaı shekarasynda maımyl sheshegine tosqaýyl sharalary engizildi
22:57, 25 Shilde 2022
NUR-SULTAN. QazAqparat - Qytaı shekarasynda maımyl sheshegine tosqaýyl sharalary engizildi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń telegram kanalyna silteme jasap.
«Qytaı bıligi shekaradan ótken adamdardyń maımyl sheshegin elge ákelýine jol bermeý sharalaryn engizgenin málimdedi, onyń aıasynda belgiler bolǵan jaǵdaıda adamdar memlekettik organdarǵa habarlaýy tıis. Bul týraly QHR Bas keden basqarmasy habarlady.
Qujatta naqtylanǵandaı, Qytaı shekarasynan ótken kólik quralynyń bortynda juqtyrǵan adamdar bar degen kúdik týyndaǵan jaǵdaıda, barlyq jolaýshylar, olardyń zattary men júkteri arnaıy tekserýden ótýi kerek. Baqylaýdyń jańa sharalary aldaǵy alty aı ishinde qoldanylady», - delingen habarlamada.
Foto: m24.ru