Qytaı Pentagon atyp túsirgen zondqa baılanysty narazylyq bildirdi

ASTANA. QazAqparat – QHR Atlant muhıty ústinde F-22 joıǵyshy atyp qulatqan zondqa baılanysty AQSh-ty aıyptap otyr, dep habarlaıdy QazAqparat Deutsche Welle basylymyna silteme jasap.

Beıjiń Vashıngtonnyń Amerıka Qurama Shtattarynyń aýmaqtyq sýynyń ústindegi nysandy atyp túsirý sheshimin aıyptady. Beımálim nysandy Vashıngton «qytaılyq barlaýshy zond» dep ataǵan edi.

Muny Qytaı syrtqy ister mınıstrliginiń jeksenbi kúni jarııalaǵan málimdemesinen kórýge bolady.

QHR AQSh-ty «shamadan tys reaktsııa kórsetip, halyqaralyq tájirıbeni óreskel buzdy» dep aıyptap otyr.

Beıjiń «pılotsyz basqarylatyn ushý apparaty» dep sıpattaǵan nysanǵa AQSh-tyń shabýyl jasap, kúsh qoldanýyna Qytaı barynsha narazy jáne qarsy» deıdi vedomstvo.

QHR SІM ári qaraı tıisti jaýap qaıtarý quqyǵyn ózine qaldyrady.

Eske salaıyq, 4 aqpanda AQSh Ońtústik Karolına jaǵalaýynda Atlant muhıtynyń ústinen ushyp bara jatqan Qytaı aerostatyn atyp túsirgen bolatyn.

Buǵan deıin AQSh aspanynda jumbaq shar paıda bolyp, ony Pentagon tyńshylyq jasap júrgen Qytaıdyń obektisi dep málimdegen.

Beıjiń munyń qate ekenin aıtyp, asyǵys sheshim qabyldamaýǵa shaqyrdy.

Foto: Anadolu Agency