Qytaı munaıdy ıýanmen saýdalaı bastady

BEIJІŃ. QazAqparat - Búgin Shanhaı halyqaralyq energetıka bırjasynda shıki munaıdyń fıýcherstik kelisimsharttary ıýanmen saýdaǵa salyndy, dep habarlaıdy «QazAqparat» HAA-nyń Qytaıdaǵy menshikti tilshisi jergilikti beıtarap BAQ-tarǵa silteme jasap.

Bul Qytaıdyń qurlyqtyq bóliginde ornalasqan bırjadaǵy sheteldik ınvestorlarǵa qoljetimdi alǵashqy fıýchers boldy.

Saýdaǵa shyǵarylǵan 15 fıýcherstiń bazıstik baǵalary 1 barrel munaı úshin, jetkizý merzimderine baılanysty, 416 ıýan (65,8 AQSh dollary), 388 ıýan jáne 375 ıýan etip belgilendi.

Sessııa ashylǵan soń 20 mınýt ishinde 14000 tranzaktsııa ótkizildi.

«Qytaı shıki munaıdy ımporttaıtyn alpaýyttardyń biri. Munaı fıýchersteriniń ıýanmen saýdalana bastalýy Qytaı fıýchers naryǵyndaǵy aıtýly oqıǵa boldy», - deıdi J.P. Morgan-nyń Azııa-Tynyq muhıt óńirindegi Halyqaralyq klırıng departamentiniń basshysy Devıd Martın.