Qytaı men Qyrǵyzstan shekarasynda jer silkindi

ALMATY. QazAqparat – Tótenshe jaǵdaılar mınıstrligine qarasty seısmıkalyq stansalar jelisi 2 qyrkúıek kúni jer silkinisin tirkedi, dep habarlaıdy QazAqparat.

Oqıǵa Almaty ýaqytymen tańǵy saǵat 07:06-da bolǵan.

Jerasty dúmpýiniń oshaǵy - Almatydan ońtústik-shyǵysqa qaraı 253 shaqyrym qashyqtyqta Qytaı men Qyrǵyzstan shekarasy aýmaǵynda.

«Zilzalanyń energetıkalyq klasy 10.8. Magnıtýdasy - 4.7. MPV. Tereńdigi - 5 shaqyrym. Sezilgeni jaıly aqparat joq», - delingen habarlamada.

Buǵan deıin habarlanǵandaı, qazaqstandyq seısmologtar Almatydan ońtústikke qaraı 426 km qashyqtyqta Qytaı aýmaǵynda jer silkinisin tirkegen.

Sondaı-aq, osydan eki kún buryn da Qytaı aýmaǵynda 4.7 magnıtýdaly zilzala bolǵan edi.