Qytaı maýsym aıynda shıki munaıdyń óndirisin azaıtty

BEIJІŃ. QazAqparat - Qytaıda shıki munaı óndirisi maýsymda 2017 jylǵy sáıkes kezeńmen salystyrǵanda 2,3 % tómendep, 15,85 mln tonnany qurady, dep habarlaıdy Sınhýa Memlekettik statıstıka basqarmasynyń málimetterine silteme jasap.

Basqarmanyń bergen aqparatyna sáıkes, osy ýaqyt aralyǵynda 49,78 mln tonna shıki munaı óndirilgen. Bul ótken jylǵy kezeńmen salystyrǵanda 8 paıyzǵa joǵary.

Qytaı - álemdegi eń iri munaı satyp alýshylardyń biri. Eldiń tutynatyn 60 % astam munaıy shetelden ákelinedi. 2018 jyldyń alǵashqy jartyjyldyǵynda Qytaıǵa 225 mln tonna munaı jetkizilgen. Bul ótken jylǵy kórsetkishpen salystyrǵanda 5,8 % joǵary bolyp otyr.

Al maaýsym aıyndaǵy tabıǵı gaz óndirisi 12,18 tekshe metrdi qurap, ósim 5,6 paıyzǵa jetken.

Qytaı 2020 jylǵa deıin otandyq munaı óndirisin 200 mln tonnaǵa jetkizýdi josparlap otyr. Al gaz salasynyń óndirisin 6,114 tekshe metrge deıin aparmaq.

Munaıgaz sektory alǵa qoıylǵan maqsattarǵa qol jetkizý úshin birneshe mindetterdi oryndaýy kerek. Atap aıtqanda, otandyq ónimderdi jetkize alý úshin munaıgaz ken ornyn barlaý jáne izdestirý jumystaryn jyldamdatyp, qubyr jelisi júıeleriniń qurylysyn iske qosýy kerek. Sondaı-aq, energııanyń ekologııalyq taza kózderin damytý mindeti týyndap tur.