Qytaı Qyrǵyzstanmen shekarasyn ýaqytsha jabady
13:52, 28 Sáýir 2015
BІShKEK. QazAqparat - Eńbek kúnin toılaýǵa baılanysty Qytaı Qyrǵyzstanmen shekarasyn ýaqytsha jabady, dep habarlady Qyrǵyz Respýblıkasynyń Memlekettik shekara qyzmetiniń baspasóz qyzmetinen.
«Qytaılyq taraptyń bastamasymen, QHR-da Eńbek kúniniń toılanýyna baılanysty qyrǵyzdyq-qytaılyq memlekettik shekara ýchaskesindegi «Torýgart-avtodorojnyı» jáne «Irkeshtam-avtodorojnyı» ótkizý beketteri 2015 jyly 1 mamyrdan 3 mamyrǵa deıin jabylady»,- delingen habarlamada.
Tulǵalarǵa, kólik quraldary men júk kólikterine bul jerlerden ótýge 2015 jyldyń 4 mamyrynan bastap ruqsat beriledi.