«Qytaı-Qyrǵyzstan-Ózbekstan-Aýǵanstan» jańa kólik dálizi ashyldy

BІShKEK. QazAqparat - Qytaı júkteriniń alǵashqy on eki konteıneri «Qytaı-Qyrǵyzstan-Ózbekstan-Aýǵanstan» jańa kólik dálizi arqyly Qyrǵyzstannan Aýǵanstanǵa temirjol arqyly jóneltildi. Bul týraly QazAqparat «Qyrǵyz temir joly» UK-na silteme jasap.

Bul tranzıttik dáliz – Qyrǵyz Respýblıkasy arqyly Qytaıdan Aýǵanstanǵa júkterdi biriktirilgen tasymaldaýdyń mýltımodaldy baǵyty. Ol 8-9 qyrkúıekte Tashkent qalasynda Qytaıdyń halyqaralyq logıstıkalyq kompanııasynyń qatysýymen ótken Qyrǵyzstan, Ózbekstan, Aýǵanstan temir jol ákimshilikteri ókilderiniń tórtjaqty kezdesýinde qol jetkizilgen ýaǵdalastyqtar aıasynda júzege asyrylýda.

Kompanııanyń málimetinshe, júk tasymaly Qashqar temirjol vokzalynan (Qytaı) Osh stantsııasyna (Qyrǵyzstan) avtokólikpen, odan ári Ózbekstan aýmaǵynda temirjol arqyly Mazarı-Sharıf stantsııasyna (Aýǵanstan) deıin júzege asyrylady.

Gúlmıra Ábdirahmanova