Qytaı koronavırýspen kúreste halyqaralyq yntymaqtastyqqa úlken mán beredi – ShYU bas hatshysy

BEIJІŃ. QazAqparat – Qaýip týyndaǵan sátten bastap (koronavırýstyń órshýi) Qytaı tarapy indettiń taralýyn aldyn alý úshin halyqaralyq yntymaqtastyqqa úlken mán berip otyr. Mundaı málimdemeni Shanhaı yntymaqtastyǵy uıymynyń (ShYU) bas hatshysy Vladımır Norov jasady, dep habarlaıdy «QazAqparat» HAA tilshisi ShYU hatshylyǵyna silteme jasap.

V.Norov Qytaı basshylyǵymen qurylǵan aldyn alýǵa jáne baqylaýǵa baǵyttalǵan jalpyulttyq júıe jaqyn arada koronavırýs indetin jeńip shyǵatynyn atap ótti.

«Qytaı halyqaralyq qaýymdastyqtyń jaýapty múshesi retinde sóz ben is júzinde óz aýmaǵynda júrgenderdiń barlyǵyna birdeı kózqaras tanytady jáne qytaılyqtardyń da, sheteldik azamattardyń da densaýlyǵy men qaýipsizdigin tıimdi qorǵaýdy jalǵastyrýda», — dedi ol.

Bas hatshynyń aıtýynsha, ShYU elderi indetke qarsy is-qımylda Qytaıǵa kómek kórsetýge, jalpy qaýiptiń aldyn alý úshin salalyq mınıstrlikter men vedomstvolardyń jumysyn úılestirýdi kúsheıtýge daıyn.

«QHR-dyń halyqaralyq qoǵamdastyqtyń belsendi yntymaqtastyǵy kezindegi úılestirilgen is-qımylynyń arqasynda indettiń taralýy toqtatylatyn bolady degen senimdemin», - dep atap ótti V.Norov.